ПАРМА Я ВООХЭТ
Эли пойка-орпо.
Ёт элӓттӓӓ иттсиӓ, хӓӓ лӓкси воохиа паймэнтаа. Аjяа хӓӓ кэрран воохиа руйз-пэллон
сиву. А воохэт тункэхуттии ӱли айjян рукихэссэ. Аjёй хӓӓ, аjёй хэйjет такайсии, а воохэт ёоксэннэллаа
питкин руйст я таллатаа тӓхкиӓ.
Истуйз пээн паймэн кивэллэ я итки.
Туллоо хӓнэн лоо орраава:
- Митӓ итэт, пойка?
- Эн якса воохит рукихэст аjя пойз!
- Я кайк? Миӓ хэйjет аян кӓэнкӓӓнтииз пойз!
Ёоксэнтэли, ёоксэнтэли – эй тулт
миттӓ. Истуйз лӓхэллэ я иткики.
Ёоксоо рэпой:
- Митӓ итэттӓ?
- Эммӓ якса воохит рукихэст аjяа пойз!
- Миӓ аян хэйjет хэти пойз!
Я рэвойлт миттӓ эй тулт. Истуйз хэйjен лӓхэллэ я нойстики иткӧмӓӓ.
Мӓннӧӧ карху мэтсӓст:
- Митӓ оотта тӓӓл иткӧмӓӓз?
- Эммӓ якса воохит рукихэст аjяа пойз!
- Ай, наппаакат! Миӓ аввиитан тэйтӓ!
Тункэхуй ӱли айjян – ваа мурти айjян, таллайз руйст энэмпи воохиа.
Паллайз илма митӓйккэ. Истуйз лӓхэллэ я нойсти мӧризӧммӓӓ. Нэлjӓлтӓӓ итэтӓӓ.
Лэнтӓӓ сиву парма.
- Ку он нагрэттавваа! – санноо. –
Нии суурэт оотта, энтӓ итэттӓ! Кэн тэйjет обижойтти?
А хӧӧ васатаа:
- Эммӓ якса милкӓ вииссии айяа
воохэт рукихэст пойз!
- Но, миӓ аввиитан!
- Мут сиӓ ё оот нии пээн!
- Аян пойз!
Хӧррииз я лэнти… А ку воохэт олтии хӓнэн
хӧринэхэн куулту – тункэхуттии ӱли айjян тээн пӓӓллэ.
Пээн паймэн тэмппайз витсан – я
алкой воохилойн jӓлээз
ёосса. Эй ёпа «киитӓн» санноонт омиллэ апилайзиллэ.
| 
